1958 г.н. працуе старшым выкладчыкам кафедры «Горныя машыны» БНТУ пасля заканчэння БПІ па спецыяльнасці «Тарфяныя машыны і комплексы» ў 1980 годзе. Выконвае ўсе віды вучэбнай нагрузкі па профільных дысцыплінах кафедры на высокім прафесійным узроўні. Праводзіць вялікую грамадскую і выхаваўчую працу сярод моладзі, як куратар студэнцкіх груп. Праводзіць шырокія навуковыя даследаванні па мадэрнізацыі працоўных органаў і рухавікоў тэхналагічных машын, а таксама аптымізацыі рэжымаў працы горнага абсталявання. Падтрымлівае цесныя сувязі з калегамі вядучых універсітэтаў Расіі і Ўкраіны. Прафесійная дзейнасць Басалая Г.А. непарыўна звязана з паспяховым уцягваннем студэнтаў да навуковых даследаванняў і творчых распрацовак. У навуковых зборніках па матэрыялах канферэнцый і перыядычных часопісах пад кіраўніцтвам Г.А. Басалая студэнтамі апублікавана звыш 90 работ. На прынцыпова новыя распрацоўкі па мадэрнізацыі горных машын у сааўтарстве са студэнтамі атрымана больш за 26 патэнтаў на вынаходніцтвы. За перыяд з 2007 па 2015 гады па выніках Рэспубліканскіх конкурсаў навуковых работ студэнтаў з 31 навуковай работы, выкананых пад кіраўніцтвам Басалая Г.А., 18 аднесены да першай катэгорыі, а аўтары 12 работ да лаўрэатаў. На конкурсах "Лепшы студэнт-даследчык БНТУ" у намінацыі "Распрацоўка карысных выкапняў" за 2007-15 гады 9 студэнтаў - пераможцы. У чэрвені 2007 года Г.А. Басалай зацверджаны навуковым кіраўніком студэнцкага навукова-творчага бюро "Гарняк", калектыў якога сфарміраваны са студэнтаў трох спецыяльнасцей факультэта горнай справы і інжынернай экалогіі. Навуковая работа праводзіцца ў рамках даследаванняў па тэме "Абгрунтаванне і распрацоўка элементаў тэхналогій і абсталявання здабычы і перапрацоўкі карысных выкапняў" з выкладчыкамі кафедры горных машын. У перыяд з 2011 па 2019 гады больш за 30 студэнтаў пад кіраўніцтвам Г.А. Басалая прынялі ўдзел у дзевяці міжнародных канферэнцыях, якія праводзіліся ў вядучых універсітэтах горнага профілю Расіі. У 2014 і 2015 годзе 7 студэнтаў прынялі актыўны ўдзел у рабоце III і IV Форумаў Саюзнай дзяржавы ВНУ інжынерна-тэхналагічнага профілю, а таксама двух Беларуска-Кітайскіх маладзёжных інавацыйных форумах "Новыя гарызонты". У 2011-2015 г.г. дакладчыкі пад кіраўніцтвам Г.А. Басалая прынялі актыўны ўдзел у пяці Міжнародных форумах-конкурсах студэнтаў і маладых вучоных "Праблемы нетракарыстання", якія праводзіліся ў Нацыянальным мінеральна-сыравінным універсітэце "Горны". У работах форумаў штогод прымаюць удзел маладыя вучоныя і студэнты выпускных курсаў з каля 70 універсітэтаў горнага профілю 15 краін свету. Па выніках пасяджэнняў секцыі "Комплекснае асваенне радовішчаў і глыбокая перапрацоўка цвёрдых, уключаючы вугаль і сланец, карысных выкапняў", "Горная электрамеханіка і абсталяванне", а таксама "Машынабудаванне і горнае абсталяванне" 10 студэнтаў БНТУ прызнаны пераможцамі ў намінацыі "Лепшы студэнт". У цяперашні час у СНТБ "Гарняк" пад кіраўніцтвам Г.А. Басалая працягваюцца даследаванні па павышэнні эфектыўнасці горнага абсталявання, якое выкарыстоўваецца пры падземнай распрацоўцы калійных радовішчаў, тэхналагічных машын тарфяной вытворчасці, а таксама сучаснага айчыннага комплексу калюбінгавых установак для свідравання і абслугоўвання нафтавых і газавых свідравін. Перспектыўныя канструктыўныя рашэнні адпрацоўваюцца студэнтамі пры выкананні курсавых праектаў па профільных дысцыплінах, а таксама на дыпломным праектаванні. Сем чалавек з ліку творчага калектыва Г.А. Басалая абаранілі магістарскія дысертацыі і ў цяперашні час навучаюцца ў аспірантуры. За асаблівы ўклад у развіццё здольнасцей адораных навучэнцаў і студэнтаў у галіне навукі, тэхнікі і тэхналогій горнай справы Басалай Г.А., навуковы кіраўнік навукова-творчага студэнцкага бюро "Гарняк", заахвочаны спецыяльным фондам Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў.
