У гэтым годзе мы святкуем 490-годдзе прыняцця Статута Вялікага Княства Літоўскага 1529 года.
Статут з’яўляецца ўнікальным помнікам прававой культуры беларускага, украінскага і літоўскага народаў. Гэта быў першы ў Еўропе звод законаў, які ўключаў прагрэсіўныя і гуманістычныя палажэнні, якія былі замацаваны ў большасці краін Еўропы толькі праз 200 год.
У сувязі з гэтай датай 11 кастрычніка 2019 года на юрыдычным факультэце БДУ быў праведзены міжнародны навукова-практычны круглы стол «Статут Вялікага Княства Літоўскага 1529 года і яго гісторыка-тэарэтычнае асэнсаванне», прысвечаны выдатнаму беларускамі навукоўцу доктару юрыдычных навук, прафесару Таісіі Іванаўне Доўнар.
.JPG)
У круглым стале прыняла ўдзел ст. выкладчык кафедры «Эканоміка і права» ФТКГ БНТУ Кожар Алена Валер’еўна, якая выступіла з дакладам «Статут Вялікага Княства Літоўскага 1529 года як асноўная крыніца феадальнага права Беларусі».
На мерапрыемстве прысутнічала каля 30 знакамітых беларускіх вучоных-прававедаў, сярод іх дэкан юрыдычнага факультэта, доктар юрыдычных навук, прафесар С. А. Балашэнка, дырэктар Інстытута перападрыхтоўкі і павышэння кваліфікацыі суддзяў, работнікаў пракуратуры, судоў і ўстаноў юстыцыі БДУ, доктар юрыдычных навук, прафесар В. М. Гадуноў, член-карэспандэнт НАН Беларусі, доктар юрыдычных навук, прафесар, заслужаны юрыст Рэспублікі Беларусь Р. А. Васілевіч і іншыя.
