6 студзеня група замежных студэнтаў падрыхтоўчага аддзялення Беларускага нацыянальнага тэхнічнага ўніверсітэта здзейсніла займальную адукацыйную паездку ў Міжнародны выставачны цэнтр на выставу «Мая Беларусь». Гэта мерапрыемства стала не проста экскурсіяй, а апусканнем у культурную, гістарычную і тэхналагічную прастору краіны. З першых хвілін знаходжання ў павільёнах выставачнага цэнтра студэнты праявілі жывую цікавасць і актыўнасць. Экспазіцыя, якая аб'ядноўвае дасягненні прамысловасці, IT-сферы, сельскай гаспадаркі, а таксама багатую культурную спадчыну Беларусі, не пакінула нікога абыякавым.
Студэнты з энтузіязмам вывучалі інтэрактыўныя стэнды, задавалі пытанні. Асаблівую цікавасць выклікалі раздзелы, прысвечаныя інавацыям і высокім тэхналогіям.
Наведванне выстаў, музеяў, культурных падзей з'яўляецца неад'емнай часткай адаптационной і адукацыйнай праграмы БНТУ для замежных навучэнцаў. Такія паездкі выконваюць адразу некалькі важных задач: моўная практыка - cтудэнты ўжываюць веды ў рэальнай камунікацыі; прафарыентацыя - яны наглядна бачаць вобласцi, у якіх могуць будаваць кар'еру пасля атрымання дыплома; культурная інтэграцыя - апусканне ў гістарычны і сацыяльны кантэкст дапамагае хутчэй і камфортней адчуваць сябе ў новым асяроддзі.
