17.10.2025 студэнты ФМС адправіліся на выставу «Восеньскі салон з Белгазпрамбанкам», якая з'яўляецца адной з самых яркіх арт-падзей года.
«Восеньскі салон» - гэта найбуйнейшая выстава-продаж твораў маладых беларускіх мастакоў, якая праводзіцца з 2015 года. У гэтым годзе экспазіцыя ўключала больш за 450 работ ад 210 аўтараў, адабраных прафесійным журы з больш чым тысячы заявак. Студэнты змаглі ўбачыць жывапіс, графіку, скульптуру, фатаграфію, Дэкаратыўна-прыкладное мастацтва і інсталяцыі.
Многія з хлопцаў упершыню сутыкнуліся з беларускім сучасным мастацтвам і былі ўражаныя разнастайнасцю тэм, тэхнік і мастацкіх падыходаў. Асабліва іх зацікавілі працы, якія адлюстроўваюць нацыянальныя матывы, сацыяльныя тэмы і эксперыментальныя формы.
Паход на выставу паказаў, што мастацтва-універсальная мова, здольная аб'ядноўваць людзей розных культур і нацыянальнасцяў.
