18 кастрычніка замежныя студэнты адправіліся на экскурсію ў Нацыянальны мастацкі музей, які налічвае больш за 30 тысяч экспанатаў, якія ахопліваюць беларускую і сусветную мастацкую спадчыну.
На дадзены момант у музеі прадстаўлены наступныя выставачныя праекты: «Сатар Бахлулзаде: творца нябачаных светаў» з калекцыі азербайджанскага Нацыянальнага музея мастацтваў, выстава «рака часу», выстава трыпціха Генадзя Сухамлінава «Сусветная любоў», выставы «Міхась Сеўрук. Ідылія» да 120-годдзя з дня нараджэння мастака. Праграма досыць разнастайная, і кожны студэнт мог знайсці тое, што яму спадабаецца.
Некаторыя студэнты ўпершыню наведалі мастацкі музей і былі прыемна здзіўлены багаццем калекцыі.
