Напярэдадні выпускнога іспыту, 18 жніўня, для слухачоў падрыхтоўчага аддзялення была праведзена экскурсія па гістарычным цэнтры горада Мінска. Рабяты з Зімбабвэ, Туркменістана і Кітая паглядзелі на славутасці Верхняга горада, наведалі Траецкае прадмесце, убачылі будынак ратушы, плошчу Свабоды і пляцоўку для нядзельных канцэртаў класічнай музыкі. Слухачы былі ўражаны прыгажосцю сабора святых Пятра і Паўла, прагуляліся па турыстычнай вуліцы Зыбіцкай, агледзелі будынак сядзібы Ваньковічаў.
Потым расказ пра гістарычную частку Мінска працягнуўся на Кастрычніцкай плошчы. Дзеці даведаліся пра гісторыю яе аднаўлення пасля Вялікай Айчыннай вайны і разгледзелі гістарычны будынак Нацыянальнага акадэмічнага тэатра ім. Янкі Купалы.
Усе слухачы пагадзіліся з тым, што пасля экскурсіі напісаць творчую экзаменацыйную работу аб Мінску зараз будзе лягчэй. Такія прагулкі дазваляюць дакрануцца да гісторыі горада і яго культурных асаблівасцей.
