Інстытут Канфуцыя па навуцы і тэхніцы БНТУ заснаваны 6 снежня 2013 года. Партнёрам БНТУ па стварэнні Інстытута Канфуцыя з'яўляецца Паўночна-Усходні універсітэт - адна з вядучых ВНУ Кітая, заснаваная ў 1923 годзе, якая знаходзіцца ў горадзе Шэньян, сталіцы правінцыі Ляанін. Урачыстае адкрыццё Інстытута Канфуцыя па навуцы і тэхніцы адбылося 21 кастрычніка 2014 года.
Узначальваюць Інстытут Канфуцыя па навуцы і тэхніцы: дырэктар з кітайскага боку - Лі Вэньсюэ, дырэктар з беларускага боку - Клеянкоў Уладзімір Аляксандравіч. Распрацоўка адукацыйных праграм і навучанне на курсах кітайскай мовы ажыццяўляецца прафесійнымі выкладчыкамі Паўночна-Усходняга ўніверсітэта з вопытам работы, а таксама валанцёрамі, якія з'яўляюцца спецыялістамі ў галіне лінгвістыкі і літаратуразнаўства.
Інстытут Канфуцыя па навуцы і тэхніцы БНТУ арганізуе і праводзіць:
- навукова-практычныя канферэнцыі, тэматычныя семінары, выставы, форумы, навукова-тэхнічныя мерапрыемствы для дзяцей, моладзі, студэнтаў, аспірантаў і маладых вучоных, абмен спецыялістамі навукова-тэхнічнай сферы, стажыроўкі выкладчыкаў і маладых вучоных, конкурсы маладых перакладчыкаў у галіне навукова-тэхнічнага перакладу і г.д.;
- курсы па вывучэнні кітайскай мовы на пачатковым, сярэднім, прасунутым і высокім узроўнях;
- спецыяльныя курсы кітайскай мовы для спецыялістаў інжынерна-тэхнічнага профілю;
- кваліфікацыйныя іспыты (тэсты) на ўзровень ведання кітайскай мовы (HSK, HSKK, YCT, BCT) і на валоданне выкладчыкамі кітайскай мовы тэхнічнай тэрміналогіяй;
- мерапрыемствы, накіраваныя на знаёмства з сучаснай культурай, гісторыяй і традыцыямі Кітая: майстар-класы па каліграфіі, кітайскім жывапісе, выразанні з паперы, лекцыі па кітайскай музычнай культуры, гісторыі пекінскай оперы, заняткі па тайцзіцюаня і інш.;
- кансультаванне па працэдурах атрымання стыпендый на навучанне па спецыяльнасцях магістратуры ў кітайскіх універсітэтах, а таксама па моўных стажыроўках у ВНУ КНР.
- Інстытут Канфуцыя па навуцы і тэхніцы, з'яўляючыся своеасаблівым мастом паміж Беларуссю і Кітаем, мае на мэце развіццё ўзаемадзеяння і супрацоўніцтва паміж нашымі народамі ў сферы культуры, адукацыі, навукі і тэхнікі.