Навукова-даследчая работа прафесарска-выкладчыцкага складу
Выкладчыкі кафедры ажыццяўляюць разнапланавую навукова-даследчую работу. У цяперашні час кафедра завяршае работу над кафедральнай дзяржбюджэтнай тэмай "Фарміраванне прафесійнай культуры выкладчыка тэхнічнай ВНУ" (навуковы кіраўнік – А.В. Верамейчык), якая ўключае пяць асноўных этапаў.
Выкладчыкі кафедры прымаюць актыўны ўдзел у розных міжнародных навуковых канферэнцыях па праблемах лінгвістыкі, культуралогіі, педагогікі і методыкі выкладання замежных моў, як у Рэспубліцы Беларусь, так і за яе межамі. Практычным вынікам удзелу ў канферэнцыях з'яўляецца публікацыя дакладаў у адпаведных зборніках матэрыялаў.
На кафедры рэгулярна праводзяцца пасяджэнні навукова-метадычнага семінара «Удасканаленне іншамоўнай падрыхтоўкі студэнтаў тэхнічнай ВНУ» («Mastering Students' Foreign Language Training at Technical University»). Супрацоўнікі кафедры выступаюць з дакладамі, абмяркоўваюць праблемныя пытанні, а таксама навучальна-метадычныя дапаможнікі, якія рыхтуюцца да выдання, прымаюць рашэнні па ўдасканаленні навучальнага працэсу.
Кафедра ажыццяўляе рэцэнзаванне навучальна-метадычных дапаможнікаў, навуковых артыкулаў, студэнцкіх навуковых работ, прадстаўленых на конкурс навуковых работ студэнтаў ВНУ Рэспублікі Беларусь і г.д.
Выкладчыкі кафедры пастаянна працуюць над павышэннем сваёй кваліфікацыі: праходзяць стажыроўкі ў розных ВНУ г. Мінска.
Навукова-даследчая работа студэнтаў
Супрацоўнікі кафедры актыўна садзейнічаюць творчаму росту і навукова-даследчай дзейнасці студэнтаў. Штогод у рамках дзён навукі БНТУ на кафедры праводзіцца студэнцкая навукова-тэхнічная канферэнцыя па замежных мовах. Пад кіраўніцтвам выкладчыкаў кафедры студэнты і магістранты рыхтуюць даклады і прэзентацыі.
У рамках канферэнцыі працуюць 5 секцый (англійская, нямецкая, французская, іспанская і кітайская). У канферэнцыі могуць прымаць удзел усе жадаючыя. Усе студэнцкія работы і даклады рыхтуюцца на замежных мовах па актуальнай тэматыцы: лінгвістыцы, краіназнаўстве, культуралогіі, экалогіі, эканоміцы і кіраванні, мытнай справе, архітэктуры і будаўніцтве, тэхніцы, прыбора- і машынабудаванні, энергетыцы і інш. Як правіла, у дакладах удзельнікаў канферэнцыі знаходзіць адлюстраванне спецыфіка розных моўных карцін сучаснага свету, праблемы моўнай інтэрферэнцыі, тэхналогій міжкультурнай камунікацыі, аховы навакольнага асяроддзя, удасканалення метадаў будаўніцтва і многія іншыя пытанні. Лепшыя работы ўдзельнікаў публікуюцца.
Выкладчыкі кафедры праводзяць кансультацыі па афармленні і прэзентацыі дакладаў, майстар-класы і г.д.
На базе кафедры замежных моў функцыянуе Цэнтр развіцця навуковай творчасці студэнтаў БНТУ «Лінгвістыка і краіназнаўства».
Асноўнымі задачамі Цэнтра выступаюць:
1. Прыцягненне студэнтаў да выканання навукова-даследчых работ, якія выконваюцца прафесарска-выкладчыцкім саставам;
2. Арганізацыя і правядзенне ўнутрывузаўскіх конкурсаў студэнцкіх навукова-даследчых работ, студэнцкіх навуковых канферэнцый і семінараў па напрамку дзейнасці Цэнтра;
3. Адбор і накіраванне студэнтаў для ўдзелу ў Рэспубліканскім конкурсе навуковых работ студэнтаў у сферы лінгвістыкі і краіназнаўства. Штогод кафедра арганізуе і праводзіць мерапрыемствы (алімпіяда па замежных мовах, Тыдзень замежных моў і замежных культур і г.д.), якія стымулююць цікавасць тых, хто навучаецца, да вывучэння замежных моў, у тым ліку і кітайскай мовы, з мэтай яе папулярызацыі сярод навучэнскай моладзі БНТУ.
