| 1-43 01 02 "ЭЛЕКТРАЭНЕРГЕТЫЧНЫЯ СІСТЭМЫ І СЕТКІ" |
Спецыялізацыі:
1-43 01 02 01 Праектаванне і эксплуатацыя электраэнергетычных сістэм;
1-43 01 02 02 Праектаванне, мантаж і эксплуатацыя электрычных сетак;
1-43 01 02 03 Дыспетчарскае кіраванне электраэнергетычнымі сістэмамі і сеткамі.
Навучанне па спецыялізацыях 1-43 01 02 01, 1-43 01 02 02 і 1-43 01 02 03 ажыццяўляе кафедра "Электрычныя сістэмы".
У працэсе навучання на кафедры студэнты атрымліваюць глыбокія тэарэтычныя веды па перадачы электрычнай энергіі на адлегласць, інфарматыцы, камп'ютарным мадэляванні, канструяванні, праектаванні і разліках электрычных сетак і сістэм электразабеспячэння, кіраванні рэжымамі электрычных сістэм на аснове сучасных інфармацыйных тэхналогій і тэхнічных сродкаў.
Інжынеры, якія атрымалі падрыхтоўку на кафедры, не маюць праблем з працаўладкаваннем. Яны здольныя выконваць любыя работы па праектаванні, мантажы, наладцы, рамонце і мадэрнізацыі ліній электраперадач і падстанцый ад нізкіх да звыш- і ультравысокіх напружанняў, высокатэхналагічнаму, бяспечнаму і эканамічнаму абслугоўванню электрычных сетак, цеплавых і атамных станцый з выкарыстаннем новых прагрэсіўных тэхналогій, абсталявання і аўтаматызаваных. сістэм.
lep2
Выпускнікі кафедры дасягаюць поспехаў у самых розных галінах чалавечай дзейнасці. Сярод іх – заснавальнік фірмы EPAM Systems, намеснік дырэктара па навуковай рабоце ААТ "Навукова-даследчы інстытут электраэнергетыкі" (г. Масква), член-карэспандэнт Акадэміі электратэхнічных навук РФ, выканаўчы дырэктар "Калэнерга" (Карэлія), дэканы, прафесары і выкладчыкі універсітэта і іншых устаноў адукацыі рэспублікі і за яе межамі, работнікі практычна ўсіх праектна-пошукавых, навукова-даследчых, мантажна-наладачных, эксплуатацыйных, вытворча-камерцыйных арганізацый і фірм, у тым ліку намеснікі міністра энергетыкі, начальнік упраўлення стратэгічнага развіцця Мінэнерга, нам. галоўнага інжынера ДВА "Белэнерга", галоўны інжынер АДУ РБ, генеральны дырэктар і галоўны інжынер РУП "Мінскэнерга",
