Ва ўмовах узрастаючага сусветнага попыту на энергарэсурсы, росту тарыфаў на іх, а таксама пагаршэння экалогіі, скарачэння запасаў нафты, вугалю газу, асаблівае значэнне набываюць праблемы энергазберажэння. Пытанні распрацоўкі і рэалізацыі стратэгій прымянення энергазберагальных і энергаэфектыўных тэхналогій, павышэння эфектыўнасці выкарыстання энергетычных рэсурсаў з'яўляюцца асноўным напрамкам і стрыжнем навуковай работы прафесарска-выкладчыцкага саставу кафедры.
Выкладчыкі кафедры выступаюць з дакладамі і ўдзельнічаюць у рабоце міжнародных (У Германіі, Польшчы, Расійскай Федэрацыі, Украіне) і рэспубліканскіх канферэнцый, форумаў, семінараў, конкурсаў па тэмах навуковых даследаванняў, вынікі якіх адлюстраваны ў публікацыях (манаграфіях, зборніках навуковых прац і перыядычных выданнях) . Да выканання навуковых даследаванняў актыўна далучаюцца студэнты энергетычнага факультэта. На кафедры пад навуковым кіраўніцтвам Манцэравай Т.Ф. праходзіць падрыхтоўку аспірант вочнай формы навучання з В'етнама.
Студэнты праводзяць свае даследаванні пад кіраўніцтвам выкладчыкаў кафедры, рыхтуюць навуковыя даклады і работы для ўдзелу ў міжнародных і рэспубліканскіх конкурсах, канферэнцыях, алімпіядах.
Работы, якія штогод прадстаўляюцца на рэспубліканскі конкурс, традыцыйна атрымліваюць высокую ацэнку і ўзнагароджваюцца дыпломамі. У 2013 г. усе 6 работ, якія былі прадстаўлены для ацэнкі камісіі XX Рэспубліканскага конкурсу навуковых работ студэнтаў, атрымалі заслужаныя катэгорыі, у тым ліку 3 работы былі адзначаны 1-й катэгорыяй.
Штогод студэнты кафедры прымаюць актыўны ўдзел у канферэнцыях, якія праводзяцца не толькі ў БНТУ, але і ў іншых навучальных установах Рэспублікі Беларусь і краін СНД.
У 2014 годзе студэнты нашай кафедры годна выступілі ў першай Студэнцкай Алімпіядзе па "Аналітычнай эканоміцы і прагназаванні" і былі ўзнагароджаны дыпломам.
