Аддзел міжнародных праграм, абменаў і пратакола займаецца інфармацыйна-метадычным забеспячэннем міжнароднай дзейнасці БНТУ, развіццём супрацоўніцтва з міжнароднымі арганізацыямі і навучальнымі ўстановамі, а таксама ўдасканаленнем адукацыйнага працэсу і павышэннем якасці падрыхтоўкі на аснове творчага выкарыстання міжнароднага досведу.
Асноўнымі напрамкамі дзейнасці аддзела з'яўляюцца:
- развіццё ўзаемавыгадных партнёрскіх адносін з адукацыйнымі ўстановамі, а таксама тэхнічнымі, навуковымі, культурнымі і прамысловымі арганізацыямі замежных краін на аснове падпісаных пагадненняў, мемарандумаў, дагавораў і працоўных праграм;
- правядзенне міжнародных навукова-практычных канферэнцый, сімпозіумаў, семінараў, круглых сталоў, выставак і іншых культурна-масавых мерапрыемстваў;
- афармленне дакументаў на камандзіраванне/накіраванне ў замежныя навучальныя ўстановы, навуковыя цэнтры і на прадпрыемствы;
- перавод замежнай карэспандэнцыі, якая паступае ў адрас БНТУ;
- арганізацыя прыёму і суправаджэнне замежных дэлегацый, якія прыбываюць у БНТУ, арганізацыя і правядзенне перамоваў кіраўніцтва БНТУ з прадстаўнікамі замежных універсітэтаў і арганізацый;
- афармленне запрашэнняў замежных спецыялістаў, якія прыбываюць у БНТУ для чытання лекцый, павышэння кваліфікацыі і праходжання стажыровак, а таксама студэнтаў, магістрантаў, аспірантаў, якія прыбываюць для праходжання практыкі і навучання на базе БНТУ;
- падрыхтоўка інфармацыйных, статыстычных і аналітычных справаздач па міжнародным супрацоўніцтве для Міністэрства адукацыі Рэспублікі Беларусь.
