«Дакраніся сэрцам да сваёй Радзімы…» – так гучала тэма V юбілейнага фестывалю беларускай культуры ў БНТУ «Беларусь - гэта мы!», якi адбыўся 5-6 снежня.
Сёлетнее вызначэнне – Год малой Радзiмы – самае цёпла-эмацыянальнае, трапяткое, сапраўды сімвалічна-беларускае. Бо менавіта патрыятызм заўсёды яднаў нашых продкаў, напоўнены ім і сэрцы сучаснай моладзі. Фестываль беларускай культуры стаў цудоўнай магчымасцю ўспомнiць традыцыi продкаў, гiсторыю нашай краiны, яе культуру і праз творчасць выказаць ўсю любоў да роднай зямлі.
Адкрыццё фестывалю адбылося 5 снежня ў рамках урачыстага пасяджэння літаратурнага аб'яднання «Полистих». Былі запрошаны прадстаўнікі Саюза пісьменнікаў Беларусі, члены літаратурных аб'яднанняў i іншых устаноў вышэйшай адукацыі.
Але асаблiва цiкавым выдаўся наступны дзень фестывалю. 6 снежня адбыўся творчы конкурс памiж факультэтамi БНТУ. Удзельнiкаў i гасцей фестывалю павiтала начальнік культурна-асветніцкага і гісторыка-адукацыйнага цэнтра Наталля Пенязь (дарэчы, аўтар праекта).
Удзельнікi прадставілі свае літаратурна-музычныя, вакальна-харэаграфічныя кампазіцыі і творчыя нумары на беларускай мове.
Ацэньвалi творчасць нашых студэнтаў паважаныя члены журы: рэжысёр народнага тэатра “КалЛiзей” цэнтра культуры БНТУ Вольга Лагвiненка; заведуючы сектарам культуры аддзела культуры, iдэалогii i па справам моладзi Адміністраціі Савецкага района г. Мінска Iгар Варонiн; акцёр Нацыянальнага акадэмічнага тэатра імя Янкі Купалы Андрэй Дробыш.
Конкурс прайшоў пры падтрымцы партнераў: Беларускi дзяржаўны музей народнай архiтэктуры i побыту; Авiяцыйны цэнтр «Авiа-Менск», першасная прафсаюзная арганізацыя студэнтаў БНТУ; добраахвотная дружына БНТУ;
інфармацыйныя партнёры - TIMES BNTU BY, БНТУ is love.
Па вынiках конкурсу былi вызначаны пераможцы, а таксама журы вызначыла шэраг спецыяльных намінацый:
лаўрэат 1 ступені – архітэктурны факультэт
лаўрэат 2 ступені – будаўнічы факультэт
лаўрэат 2 ступені - прыборабудаўнічы факультэт
лаўрэат 3 ступені - аўтатрактарны факультэт
Спецыяльны дыплом журы - МТФ
дыплом у намінацыі “За раскрыццё тэмы малой радзiмы» - IПФ
дыплом у намінацыі “Лепшы вакальны нумар” - ФГСЭ
дыплом у намінацыі “Лепшая харэаграфічная кампазіція” - ФЭБ
дыплом у намінацыі “Лепшая iнструментальная кампазіція” -СТФ
дыплом у намінацыі “Лепшае мастацкае афармленне” -ЭФ
дыплом у намінацыі “Лепшае музычнае афармленне” - ФММП
дыплом у намінацыі “Лепшая рэжысура” -АФ
Ўсе фестывальныя дні суправаджаліся яркімі творчымі нумарамі калектываў цэнтра культуры БНТУ. Свята выдалася сапраўды цікавым і ўражлівым, удзельнікi і госцi фестывалю акунулiся ў незвычайна цёплую атмасферу беларускай культуры.
