Фестываль беларускай культуры «Беларусь – гэта Мы!»

У Беларускім нацыянальным тэхнічным універсітэце адбыўся VII фестываль беларускай культуры «Беларусь – гэта Мы!».

Кожны народ мае сваю самабытную культуру. Менавiта культура падкрэслiвае яго існаванне, гэта святыня нацыі, якую мы павiнны захоўваць. Фестываль беларускай культуры ў БНТУ – цудоўная магчымасць для сучаснай моладзі яшчэ раз выказаць праз творчасць любоў да сваёй роднай зямлі, успомнiць традыцыi продкаў, гiсторыю нашай краiны.

«З легендаў і казак былых пакаленняў…» – так гучала тэма фестывалю ў гэтым годзе. У конкурсе прынялі ўдзел і годна паказалі сябе 13 творчых каманд факультэтаў БНТУ. На ацэнку журы яны прапанавалi тэатралізаваныя конкурсныя праграмы на беларускай мове, харэаграфiчныя замалёўкi, абрады і песнi. Гэта была сапраўдная вандроўка ў часе. Гледачам былi паказаныя гiсторыя беларускай зямлi, легенды пра буслоў, папараць-кветку, гумарыстычная замалёўка пра любоў татарскага хана да дранiкаў, легенда пра Чорную панну Нясвiжа i шмат iншага. Гэта было сапраўднае свята беларускай культуры i яскравай студэнцкай творчасцi!

Па вынiках конкурсу журы вызначыла пераможцаў, а таксама шэраг спецыяльных намінацый.

Пераможцы і намінанты VII фестываля беларускай культуры «Беларусь – гэта Мы!»:

асноўныя намінацыі:

• «Лепшая рэжысура» – архітэктурны факультэт;
• «Лепшае музычнае афармленне праграмы» – ваенна-тэхнічны факультэт, архітэктурны факультэт;
• «Лепшае мастацкае афармленне праграмы» – інжынерна-педагагічны факультэт;
• «Лепшы вакальны нумар» – энергетычны факультэт, факультэт тэхналогій кіравання і гуманітарызацыі;
• «Лепшая харэаграфічная кампазіцыя» – будаўнічы факультэт, факультэт маркетынгу, менеджменту, прадпрымальніцтва;
• «За раскрыццё тэмы фестывалю» (спецыяльны дыплом) – будаўнічы факультэт;

лаўрэаты:

• I ступені – факультэт тэхналогій кіравання і гуманітарызацыі;
• II ступені – архітэктурны факультэт, факультэт маркетынгу, менеджменту, прадпрымальніцтва;
• III ступені – будаўнічы факультэт, інжынерна-педагагічны факультэт.

Віншуем пераможцаў і намінантаў конкурсу! Дзякуй усiм за ўдзел.

Автор материала: Валерия Вершкова, режиссер УДК