Фестываль беларускай культуры – гэта мнагакаляровая палітра нацыянальнай культуры і феерверк талентаў студэнтаў БНТУ.Урачыстае адкрыццё фестываля, якое адбываецца з удзелам творчых калектываў кіравання па справах культуры – гэта святочны канцэрт, які з`яўляецца не толькі адмысловай віншавальнай паштоўкай, але і ў пэўным сэнсе майстар-класам, наглядным прыкладам таго, на што здольная сучасная маладзёжная культура.
У рамках фестывалю праходзіць пасяджэнне літаратурнага аб'яднання “Полистих”, на якім яго удзельнікі прызентуюць асабістыя творы, прысвечаныя сваёй бацькаўшчыне. Гасцямі пасяджэння з`яўляюцца члены Саюза пісьменнікаў Беларусі, а таксама ўдзельнікі іншых літаратурных аб`яднанняў.
Трэці дзень фестываля адзначаецца творчым конкурсам сярод факультэтаў. Гледачы маюць магчымасць падзівіцца каларыту беларускага танца, самабытнасці нацыянальных строяў, пачуць прыгожыя спевы, гарэзлівыя жарты і паэтычныя творы, на роднай беларускай мове ў выканані студэнскай моладзі. Гэта сапраўдная вандроўка не толькі па краіне, але і ў часе.
