У пятніцу, 9 кастрычніка 2020 года, адбылася дабрачынная акцыя ў дзіцячым летнім лагеры «Бусел», які размешчаны ў вёсцы Заброддзе Стаўбцоўскай вобласці за 100 кіламетраў ад Мінска. Туды прыязджаюць падапечныя дзіцячага хоспіса і маладыя людзі ва ўзросце да 24 гадоў з цяжкімі формамі інваліднасці з усёй краіны. Бяспечна і вясёла праводзіць час дапамагаюць сацыяльныя работнікі і валанцёры з Беларусі, Германіі, Фінляндыі і Вялікабрытаніі. На тэрыторыі лагера ёсць усё для камфортнага адпачынку: дом, абсталяваны для пражывання інвалідаў, сталовая, зоны адпачынку, басейн і спартыўная пляцоўка.
Спартыўная пляцоўка агароджана непафарбаваным драўляным плотам. Задача акцыі заключалася ў тым, каб яго незвычайна размаляваць. Дапамагчы ўпрыгожыць тэрыторыю спартыўнай пляцоўкі прыехала каардынатар валанцёраў Беларускага дзіцячага хоспіса Соф’я Сыцько, скончыўшая факультэт тэхналогій кіравання і гуманітарызацыі ў 2015 годзе. Разам з ёю дапамагалі некалькі іншых валанцёраў Беларускага дзіцячага хоспіса. Студэнты Беларускага нацыянальнага тэхнічнага ўніверсітэта Тухфатава Дарыя, Маліноўская Дар’я і Панотчык Марыя, якія зараз таксама навучаюцца на факультэце тэхналогій кіравання і гуманітарызацыі, прынялі ўдзел у акцыі.
З дапамогай пэндзлікаў і акрылавых фарбаў валанцёры распісалі драўляны плот мілымі пысачкамі, вясёлымі чалавечкамі, любімымі персанажамі з кніг і мультфільмаў і іншымі арыгінальнымі малюнкамі. Вельмі пашансавала, што, нягледзячы на сярэдзіну восені, дзень быў цёплым і сонечным, і фарба хутка сохла. Гэта вельмі важна, таму што акрылавыя фарбы лёгка змыць вадой, пакуль яны не высахлі. Працаваць на свежым паветры ў дружным калектыве было прыемна і цікава.
Спадзяемся, што падапечным і працоўнікам лагера спадабаецца расфарбаваны плот, і ён будзе ўпрыгожываць спартыўную пляцоўку доўгі час.
