14 кастрычніка ў куратарскай групе 10107421 прайшоў асаблівы святочны вечар. Ён пачаўся з пазнавальнай часткі. Студэнты даведаліся, што Дзень маці – гэта свята з глыбокімі гістарычнымі каранямі, якое ў кожнай краіне мае свае унікальныя традыцыі. Студэнты паглядзелi, як шануюць маці ў розных кутках свету. Гэта параўнанне дапамагло ўсвядоміць, што, нягледзячы на культурныя адрозненні, пачуццё ўдзячнасці маці – універсальна і аб'ядноўвае людзей па ўсім свеце.
Тэарэтычныя веды адразу ж знайшлі прымяненне ў цікавай віктарыне. Самай узрушальнай часткай праграмы стаў прагляд караткаметражнага фільма «Мама». Гэтая карціна была поўная простых, але такіх важных жыццёвых ісцін, яна нікога не пакінула абыякавым.
16 кастрычніка ў групе 10804622 прайшоў куратарскі час, на якім студэнты паглядзелі пазнавальнае відэа пра паходжанне і гісторыю Дня маці. Пасля тэарэтычнай часткі студэнты прынялі ўдзел у інтэрактыўнай віктарыне. Асаблівую цікавасць выклікала абмеркаванне таго, як Дзень маці адзначаецца ў Беларусі і Кітаі. Студэнты падзяліліся сваiмi назіраннямі і культурнымі асаблівасцямі:
У Беларусі свята афіцыйна адзначаецца ў кастрычніку, і яно суправаджаецца віншаваннямі, школьнымі і сямейнымі мерапрыемствамі, выражэннем павагі і любові да маці.
У Кітаі, хоць Дзень маці не з'яўляецца афіцыйным дзяржаўным святам, ён актыўна падтрымліваецца моладдзю і адзначаецца ў маі – найчасцей падарункамі, кветкамі і сямейнымі сустрэчамі.
Усе мерапрыемствы гэтага тыдня праходзілі ў цёплай і сяброўскай атмасферы, нагадваючы нам пра важнасць мацярынскай любові, клопату і падтрымкі. Такія мерапрыемствы дапамагаюць не толькі пашырыць кругагляд, але і выхоўваюць павагу да сямейных каштоўнасцей.
