Выпускнікі

Віктар Паўлавіч Бура - выпускнік будаўнічага факультэта БПІ па спецыяльнасці «Прамысловае і грамадзянскае будаўніцтва» (ПГС), 1975 г. Выконваючы канстытуцыйны абавязак з 1975 па 1977 г. служыў у войску на афіцэрскіх пасадах у ваенна-будаўнічых падраздзяленнях на Поўначы СССР. Інжынерную дзейнасць пачаў у «Прамбудсістэме». На ВА "Інтэграл" прайшоў шлях да намесніка генеральнага дырэктара. Прафесійную дзейнасць працягнуў будучы кіраўніком адміністрацыі Кастрычніцкага раёна г. Мінска, пазней намеснікам старшыні Мінгарвыканкама. У 2006-2011 гг. - Намеснік Прэм'ер-міністра Рэспублікі Беларусь. З 2011 па 2016 год - надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы.

Генадзь Васільевіч Навіцкі - выпускнік будаўнічага факультэта БПІ па спецыяльнасці «Прамысловае і грамадзянскае будаўніцтва», 1971 г. Працаваў майстрам, начальнікам участка СУ-56, галоўным інжынерам СУ-92 будаўнічага трэста № 12 у горадзе Магілёве, інструктарам аддзела будаўніцтва Магілёўскага абкама КПБ, інжынерам Магілёўскага аблміжкалгасбуда, загадчыкам аддзела будаўніцтва Магілёўскага абкама КПБ, старшынёй праўлення Магілёўскага аблсельбуда. У 1994 г. назначаны Міністрам архітэктуры і будаўніцтва Рэспублікі Беларусь. З 1997 г. намеснік Прэм'ер-міністра, а з 2001 па 2003 г. быў Прэм'ер-міністрам Рэспублікі Беларусь. 2003–2008 гг. - Старшыня Савета Рэспублікі Нацыянальнага сходу Рэспублікі Беларусь.

Станіслаў Васільевіч Брыль - скончыў факультэт па спецыяльнасці ПГС у 1962 г. Быў размеркаваны ў Будтрэст №8 г. Брэста, дзе прайшоў шлях ад майстра да начальніка СУ. Пазней працаваў кіраўніком трэста № 2 у г. Пінску, намеснікам старшыні Брэсцкага аблвыканкама. З 1983 г. – намеснік, а з 1985 г. Міністр будаўніцтва БССР. У 1990 г. быў зацверджаны на пасадзе намесніка Старшыні Рады Міністраў БССР.

Уладзімір Гаўрылавіч Еўтух - скончыў Беларускі політэхнічны інстытут па спецыяльнасці "Прамысловае і грамадзянскае будаўніцтва" ў 1962 годзе. Прайшоў шлях ад майстра ДСК-1 да старшыні Дзяржбуда БССР. З 1986 па 1990 гады - першы намеснік старшыні Савета Міністраў БССР. Кандыдат тэхнічных навук. З 1994 па 1996 гады - прэзідэнт закрытага акцыянернага таварыства "Інвест-Сістэм". З 1996 па 1999 гады - старшыня праўлення АКБ "Беларускі Біржавы Банк".

Аляксандр Трафімавіч Кічкайла - Выпускнік 1956 г. Прайшоў усе ступені вытворчасці пачынаючы з майстра на будоўлі. Быў намеснікам старшыні Магілёўскага аблвыканкама, старшынёй Белміжкалгасбуда БССР, намеснікам Старшыні СМ БССР. Лаўрэат Дзяржпрэміі СССР, Заслужаны будаўнік СССР і БССР, кандыдат тэхнічных навук.

Віктар Дзмітрыевіч Даніленка - выпускнік СФ БПІ, 1959 г.
Прайшоў шлях ад прараба на сельскай будоўлі да Міністра сельскага будаўніцтва БССР. Пазней (1982-1985) узначальваў саюзнае міністэрства гэтага ж профілю. 1984-1989 гг. - дэпутат Савета Нацыянальнасцей Вярхоўнага Савета СССР.

Іван Мацвеевіч Жыжэль - у 1935 годзе скончыў Мінскі політэхнічны інстытут па спецыяльнасці «Прамысловае і грамадзянскае будаўніцтва». Працаваў прарабам, затым інжынерам-канструктарам Белдзяржбуда. З 1938 года кіраваў інстытутам "Белпрампраект". У 1951 годзе ўзначаліў галоўную будаўнічую арганізацыю па аднаўленні сталіцы "ГалоўМінскбуд". У 1955 годзе ўзначаліў міністэрства прамысловага будаўніцтва Беларускай ССР. Заслужаны будаўнік БССР. У 1964 годзе ўдастоены Звання Героя Сацыялістычнай Працы. Ганаровы грамадзянін горада Мінска.

Іван Міхайлавіч Мазаляка , скончыўшы БПІ прайшоў усе ступені вытворчай працы. Узначальваў Міністэрства будаўніцтва БССР. У 1985-1987 гг. быў намеснікам Міністра прамысловага будаўніцтва СССР. На пенсію сыходзіў з пасады Міністра будаўніцтва і эксплуатацыі аўтамабільных дарог БССР. Узнагароджаны высокімі дзяржаўнымі ўзнагародамі - ордэнам Працоўнага Чырвонага Сцяга, ордэнам "Знак Пашаны", медалём "За доблесную працу".

Мікалай Цімафеевіч Архіпец
Скончыў завочнае аддзяленне БПІ, прайшоў шлях ад майстра да ўпраўляючага трэста. Быў міністрам прамысловага будаўніцтва БССР (1968-1979), пазней - першы намеснік старшыні Дзяржснаба СССР.

Юрый Аляксандравіч Пуплікаў - выпускнік 1961 г. Прайшоў шлях ад майстра да кіраўніка трэстам № 5 «Прамбуд». Потым быў намеснікам старшыні Мінгарвыканкама, намеснікам старшыні Дзяржбуда БССР. У далейшым узначальваў Саюз Будаўнікоў Беларусі. Дзейнасць яго высока ацэнена дзяржаўнымі ўзнагародамі і прысваеннем звання Заслужаны будаўнік БССР.

Іосіф Аркадзьевіч Антонавіч
Былы "вячэрнік" БПІ, у 1959 годзе атрымаў спецыяльнасць інжынера-будаўніка. Прайшоўшы ўсе ступені прафесійнага росту, з 1975 па 1990 г. быў Міністрам мантажных і спецыяльных работ БССР. Удастоены дзяржаўных узнагарод, яму прысвоена званне Заслужанага будаўніка БССР.