Пачатак падрыхтоўкі спецыялістаў прыборабудаўнічага напрамку ў БПІ-БДПА-БНТУ быў пакладзены ў 1961 годзе стварэннем кафедры "Прыборы дакладнай механікі". Яе першым загадчыкам, які ўзначальваў кафедру на працягу 23 гадоў, быў заслужаны работнік вышэйшай школы БССР, прафесар С.С. Касцюковіч.
Развіццё аптычнай прамысловасці зрабіла неабходным адкрыццё ў 1976 годзе оптыка-механічнага факультэта, які ў розны час узначальвалі дацэнт Р.І. Тамілін, дацэнт У.І. Кляцко, прафесар М.Г. Кісялёў. У сувязі з далейшым пашырэннем пераліку запатрабаваных прыборабудаўнічых спецыяльнасцей у 1978 годзе быў адкрыты інжынерна-фізічны факультэт, дэканамі якога былі прафесар Г.С. Круглік і дацэнт А.Г. Ліцвінка. У 1984 годзе оптыка-механічны і інжынерна-фізічны факультэты былі аб'яднаны ў адзін - інжынерна-фізічны, які ў наступным годзе быў перайменаваны ў прыборабудаўнічы факультэт.
З 1984 па 1998 год дэканам прыборабудаўнічага факультэта з'яўляўся заслужаны работнік адукацыі Рэспублікі Беларусь, прафесар М.Р. Кісялёў. Пазней факультэт узначальвалі дацэнт У.І. Шамкаловіч, прафесар А.К. Гусеў, прафесар А.М. Малярэвіч. Цяпер факультэтам кіруе дацэнт А.І. Свістун.
