Кафедра "Машыны і тэхналогія ліцейнай вытворчасці" адчыняе свае дзверы будучым абітурыентам
Найважнейшым этапам у жыцці кожнага чалавека з'яўляецца атрыманне адукацыі. І калі атрыманне сярэдняй адукацыі з'яўляецца абавязковым, а выбар той ці іншай навучальнай установы абмяжоўваецца школамі, якія знаходзяцца побач з домам, то выбар, з якім сутыкаюцца выпускнікі сярэдніх школ, якія вырашылі працягваць вучобу ў ВНУ, надзвычай разнастайны. Да яго неабходна рыхтавацца свядома і дасканала - бо ад яго шмат у чым залежыць, як складзецца будучае жыццё.
Каб аблегчыць задачу выбару для будучых абітурыентаў і прыцягнуць да сябе найбольш актыўных і таленавітых, усе ВНУ краіны вядуць актыўную інфармацыйную і рэкламную кампанію.
Вялікую ўвагу ўдзяляе прафарыентацыйнай рабоце і флагман айчыннай інжынернай адукацыі – Беларускі нацыянальны тэхнічны ўніверсітэт. У БНТУ праходзяць не толькі традыцыйныя дні адчыненых дзвярэй для школьнікаў, навучэнцаў ССНУ і каледжаў, на факультэтах і кафедрах праводзяцца адкрытыя лекцыі, прэзентацыі, семінары, майстар-класы.
На кафедры "Машыны і тэхналогія ліцейнай вытворчасці" ў прафарыентацыйных мерапрыемствах актыўна ўдзельнічаюць не толькі выкладчыкі і інжынеры, але і магістранты і студэнты старэйшых курсаў. Праводзяцца сустрэчы са старшакласнікамі і іх бацькамі ў школах і гімназіях, сустрэчы з вучнямі ў каледжах і спецыялізаваных выставах. У гэтым годзе, каб пашырыць геаграфію мерапрыемстваў і павялічыць аўдыторыю, работнікі кафедры не толькі ездзяць у школы, але і праводзяць онлайн сустрэчы і прэзентацыі, выкарыстоўваючы інфармацыйна-камунікацыйныя тэхналогіі ZOOM, MsTeams і інш.
Толькі сёлета работнікамі і магістрантамі кафедры былі праведзены сустрэчы з будучымі студэнтамі ў мінскіх школах №123, №63, №139, №21, у Жлобіне – у САШ №2, у Лунінцы – у СШ №4, у Клецку – у СШ №1 і №3, у Барысаве – у СШ №17, онлайн сустрэча са старшакласнікамі школы №5 г. Ваўкавыска.
Са школьнікамі сустракаліся загадчык кафедры Ровін Сяргей Леанідавіч, дацэнт кафедры Рудніцкі Фёдар Іванавіч, старшы выкладчык Молеў Сяргей Генадзевіч, асістэнт Карэнюгін Сяргей Уладзіміравіч, інжынер Франчук Алена Аляксандраўна, выкладчык-стажор Дзікун Альберт Алегавіч, магістранты Курач Дзіяна Ігараўніча і Мацынаў.
Але, мабыць, найбольш яскравымі і запамінальнымі для школьнікаў становяцца майстар-класы і адкрытыя лекцыі, якія праводзяцца на кафедры. Гэтыя сустрэчы дазваляюць будучым абітурыентам не толькі атрымаць інфармацыю, але і пагрузіцца ў атмасферу кафедры і студэнцкага жыцця, пасядзець за партамі, папрацаваць на лабараторным абсталяванні, дакрануцца да прафесіі, паўдзельнічаць у працэсе вырабу адліўкі.
На сустрэчах школьнікаў цікавіць не толькі прахадны бал і парадак паступлення ў ВНУ, ім цікава як праходзяць заняткі, што вывучаюць студэнты, як бавяць час па-за заняткамі, ці ёсць магчымасць займацца спортам, танцамі, творчасцю, што такое жыццё ў студэнцкім інтэрнаце, перспектывы размеркавання і будучай працы, кар'ернага росту і заробку пасля заканчэння ВНУ і інш.
Абітурыенты! Мы чакаем вас!
