Узнікшая патрэбнасць у выкладчыках спецыяльных галіновых тэхналогій і майстрах вытворчага навучання заахвоціла Міністэрства вышэйшай і сярэдняй спецыяльнай адукацыі ў 1960-1963 г.г. перапрафіляваць некалькі студэнцкіх груп механіка-тэхналагічнага факультэта Беларускага політэхнічнага інстытута на педагагічную спецыяльнасць.
Каля вытокаў гэтай працы стаялі дэкан механіка-тэхналагічнага факультэта А.М. Дзмітровіч і загадчык кафедры "Тэхналогіі металаў" А.У. Раман.
У 1964 г. у Беларускім політэхнічным інстытуце быў утвораны першы ў краіне інжынерна-педагагічны факультэт, дэканам якога да 1981 г. быў Б.А. Бялькевіч, з 1981 па 1986 г.г. - І.В. Башкевіч.
У сувязі з узбуйненнем факультэтаў у 1986 г. падрыхтоўка студэнтаў па спецыялізацыях была перададзена на машынабудаўнічы і будаўнічы факультэты. Аднак, правядзенне рэформы вышэйшай адукацыі запатрабавала змяніць падыход да структуры падрыхтоўкі інжынерна-педагагічных кадраў, і 1 лютага 1999 г. у Беларускай дзяржаўнай політэхнічнай акадэміі быў ізноў утвораны інжынерна-педагагічны факультэт, які ўзначаліў С.А. Івашчанка.
З 2021 года па сённяшні дзень факультэт узначальвае А.А. Дробыш.
© дэкан Дробыш А.А.
