УДЗЕЛ У РЭФЕРЭНДУМЕ - Усвядомлены ВЫБАР КОЖНАГА
|
20 студзеня 2022 года Прэзідэнтам быў падпісаны Указ № 14 "Аб назначэнні рэспубліканскага рэферэндуму". У адпаведнасць з ім рэспубліканскі рэферэндум аб унясенні змяненняў і дапаўненняў у Канстытуцыю Рэспублікі Беларусь адбудзецца 27 лютага 2022 года |
Праект канстытуцыі распрацоўваўся створанай у сакавіку 2021 года Канстытуцыйнай камісіяй, у якую ўвайшлі 36 чалавек. Узначаліў камісію заслужаны юрыст Беларусі, Старшыня Канстытуцыйнага Суда Пётр Міклашэвіч. Таксама ў камісію ўвайшлі прадстаўнікі юрыдычнай навукі, дзяржаўных органаў, грамадскіх аб'яднанняў, разнастайных галін эканомікі і сацыяльнай сферы.
27 снежня 2021 года праект змен і дапаўненняў у Канстытуцыю быў апублікаваны для ўсенароднага абмеркавання і за месяц у Нацыянальны цэнтр прававой інфармацыі паступіла больш за 7000 прапаноў.
У адпаведнасьці з арт. 111 Выбарчага кодэкса Рэспублікі Беларусь рэферэндум з'яўляецца спосабам прыняцця грамадзянамі Рэспублікі Беларусь рашэнняў па важнейшых пытаннях дзяржаўнага і грамадскага жыцця.
Згодна з ч. 1 арт. 4 Выбарчага кодэкса Рэспублікі Беларусь права ўдзельнічаць у рэферэндуме маюць грамадзяне Рэспублікі Беларусь, якія дасягнулі 18 гадовага ўзросту. У рэферэндуме не ўдзельнічаюць грамадзяне, прызнаныя судом недзеяздольнымі, асобы, якія ўтрымліваюцца па прыгавору суда ў месцах пазбаўлення волі, асобы, адносна якіх у парадку, устаноўленым крымінальна-працэсуальным заканадаўствам, выбрана мера стрымання - утрыманне пад вартай.
21 студзеня 2022 г. быў апублікаваны праект змен і дапаўненняў у Канстытуцыю, якія выносяцца на рэферэндум. Гэты праект прыкладаецца да Указа № 14.
Таксама Указ № 14 змяшчае пытанне, на якое трэба адказаць на рэферэндуме: «Ці прымаеце Вы змены і дапаўненні Канстытуцыі Рэспублікі Беларусь?».
Згодна з ч. 4 арт. 3 Выбарчага кодэкса Рэспублікі Беларусь рэферэндум праводзіцца шляхам усеагульнага, свабоднага, роўнага і тайнага галасавання.
Рашэнне рэферэндуму ў Рэспубліцы Беларусь носіць абавязковую сілу і згодна з Указам № 14 уступае ў сілу праз 10 дзён пасля яго афіцыйнага апублікавання. З 1 ліпеня 2012 года адзінай крыніцай афіцыйнага апублікавання прававых актаў, зарэгістраваных у Нацыянальным рэестры прававых актаў Рэспублікі Беларусь, з'яўляецца Нацыянальны прававы Інтэрнэт-партал Рэспублікі Беларусь parvo.by - асноўны дзяржаўны інтэрнет-рэсурс у галіне права і прававой інфарматызацыі.
Азнаёміцца з праектам Канстытуцыі можна на сайце https://president.gov.by/ru/gosudarstvo/constitution/constitution_project
Матэрыял падрыхтаваны дацэнтам кафедры "Эканоміка і права" Сакаловай А.А. і арт. выкладчыкам кафедры "Эканоміка і права" Кожар А.У.
