Штаб працоўных спраў па ГА "БРСМ" БНТУ – гэта месца, у якім кожны студэнт можа знайсці працу ў студэнцкім атрадзе незалежна ад наяўнасці вопыту работы. Штогод мы дапамагаем працаўладкавацца больш за 2450 студэнтам БНТУ.
Камандзір Штаба працоўных спраў па ГА "БРСМ" з правамі РК БНТУ
Ржэвуская Стэфанія Генадзьеўна
Кожны можа падабраць сабе від дзейнасці па душы, бо мы займаемся працаўладкаваннем моладзі па розных напрамках:
Педагагічныя атрады. Хлопцы працуюць у дзіцячых лагерах важатымі і іх памочнікамі.
Сэрвісныя атрады. Тут выбар вельмі вялікі: ад працы на кафедрах БНТУ да працы кантралёрам пасажырскага транспарту.
Вытворчыя атрады. У студэнтаў ёсць магчымасць працаваць на самых буйных прадпрыемствах нашай краіны - ЗАТ "Атлант", ААТ "МАЗ", ААТ "МТЗ", УП "ЗЭБТ Гарызонт", ААТ "Кандытарская фабрыка "Слодыч" і інш.
Будаўнічыя атрады, дзе хлопцы дапамагаюць удасканальваць інфраструктуру горада Мінска і не толькі. Нашы студэнты працавалі на будаўніцтве БелАЭС, буйных аўтамагістраляў, якія злучаюць Беларусь і Расію, будавалі Нацыянальны дзіцячы тэхнапарк і г. д.
Экалагічныя атрады. Хлопцы займаюцца добраўпарадкаваннем тэрыторыі Мінска.
Таксама ў студэнтаў БНТУ ёсць магчымасць працаваць і за мяжой, напрыклад, у складзе сэрвісных атрадаў у дзіцячых лагерах ля мора на тэрыторыі Расіі, удзельнічаць у вытворчых і будаўнічых праектах на тэрыторыі РБ і многае іншае.
Плюсы працы ў студэнцкіх атрадах:
- на час працы ўсім даецца месца ў інтэрнатах БНТУ;
- замест 13% падаходнага падатку (як ва ўсіх працуючых грамадзян Беларусі) з вашай ЗП адымаецца толькі 4%;
- асноўная частка працаўладкавання, пошуку працоўных месцаў і да т. п. ляжыць на штабе працоўных спраў БРСМ БНТУ, а вам застаецца прыехаць адзін раз для афармлення, альбо дадаткова прайсці медкамісію;
- вядома ж новыя знаёмствы, магчымасць працаваць з сябрамі на адным аб'екце, а таксама розныя мерапрыемствы для членаў атрада.
Студэнцкія атрады БНТУ-гэта сапраўдная сям'я, у якой кожны зможа знайсці сабе не толькі працу па душы, але і зайздрасці велізарная колькасць новых знаёмых.
Чакаем цябе ў нашых шэрагах!
