Сістэма санаторыяў Федэрацыі прафсаюзаў Беларусі ўключае ў сябе 12 здраўніц, размешчаных у лепшых месцах Рэспублікі Беларусь, што дае магчымасць ва ўсёй паўнаце выкарыстоўваць непаўторныя прыродныя фактары, такія як месцазнаходжанне санаторыяў, гаючыя гразі, мінеральныя воды. Большасць мінеральных вод набылі шырокае прызнанне, а частка з іх аналагічная мінеральным водам вядомых крыніц папулярных курортаў.
У здраўніцах ёсць усё патрэбнае абсталяванне не толькі для абследавання, але і для праходжання працэдур па фізіятэрапіі, а таксама пляцоўкі для заняткаў спортам і залы для механатэрапіі. Больш за дзве тысячы супрацоўнікаў з высокай кваліфікацыяй, вялікім вопытам і ведамі, дапамогуць Вам палепшыць самаадчуванне, паправіць здароўе і ўмацаваць імунітэт. На афіцыйным сайце УП «Белпрафсаюзкурорт» www.kurort.by ёсць магчымасць забраніраваць пуцёўку на адпачынак у любую з прафсаюзных здраўніц праз форму анлайн-браніравання.
Файл Санаторыі ФПБ
Для ўсіх сябраў прафсаюза дзейнічаюць зніжкі 25%. Членам прафсаюза, якія знаходзяцца на ўліку ў ППА студэнтаў БНТУ, дадаткова аказваецца матэрыяльная дапамога (у адпаведнасці з Палажэннем аб Фондзе дапамогі першаснай прафсаюзнай арганізацыі студэнтаў БНТУ) у сувязі з аздараўленнем і санаторна-курортным лячэннем ва УП "Белпрафсаюзкурорт" і іншых санаторыях Рэспублікі Беларусь.
Для атрымання даведкі аб членстве ў прафсаюзе неабходна звярнуцца ў прафсаюзны камітэт ППА студэнтаў БНТУ, размешчанага ў 110 кабінеце 13 корпуса.
