Штогадовая Рэспубліканская студэнцкая алімпіяда па матэматыцы адбылася 16 мая ў Беларускім дзяржаўным універсітэце. У групе Б, для тэхнічных ВНУ, прынялі ўдзел 72 студэнты з 13 універсітэтаў краіны. Алімпіяда праходзіла ў адзін тур, падчас якога ўдзельнікам неабходна было на працягу пяці гадзін пісьмова рашыць задачы з цыкла матэматычных дысцыплін.
У склад каманды БНТУ ўвайшлі 6 студэнтаў будаўнічага, энергетычнага факультэтаў і факультэта інфармацыйных тэхналогій і робататэхнікі.
Студэнты годна прадставілі ўніверсітэт пад кіраўніцтвам асістэнта кафедры «Вышэйшая матэматыка» Ганны Брычыкавай.
Па выніках алімпіяды:
дыпломам 2-й ступені ўзнагароджана Удовенка Вікторыя, студэнтка БФ;
дыпломам 2-й ступені ўзнагароджаны Змітровіч Уладзіслаў, студэнт ФІТР;
дыпломам 3-й ступені ўзнагароджаны Іваноў Мікалай, студэнт ЭФ;
дыпломам 3-й ступені ўзнагароджаны Красоўскі Іван, студэнт ФІТР;
дыпломам 3-й ступені ўзнагароджаны Драневіч Аляксей, студэнт ЭФ;
дыпломам 3-й ступені ўзнагароджана Юрэц Марыя, студэнтка ЭФ.
Віншуем нашых таленавітых студэнтаў з выдатным поспехам і жадаем новых перамог!
