30 верасня 2025г. у 18.00 студэнты групы 10401424 МТФ нешматлікай, але вельмі дружнай кампаніяй наведалі выдатны канцэрт на нацыянальным алімпійскім стадыёне «Дынама», прысвечаны дабратворнаму супрацоўніцтву беларускай сталіцы з вядомым расійскім горадам Перм.
29-30 верасня Перм прадставіла ў Мінску сваю багатую культуру. Прайшоў шэраг цікавых падзей: футбольныя матчы, жывыя выступленні пермскіх музычных калектываў, гастранамічныя майстар-класы. Але галоўным акордам свята стаў адкрыты канцэрт на стадыёне «Дынама», дзе маладыя беларускія артысты пакаралі сэрцы публікі сваімі харызмай і неверагоднымі талентамі. Цёплая атмасфера свята, веліч стадыёна, урачыстая абстаноўка зрабілі вялікае ўражанне на студэнтаў з Туркменістана.
Але асаблівае захапленне ў хлопцаў I дзяучат выклікала выступленне самага галоўнага госця з Пермі - легендарнага DJ SMASHа. Неверагодна запальнай дыскатэкай скончылася гэтае цудоўнае мерапрыемства, пакінуўшы незгладжальныя ўспаміны ў памяці студэнтаў. Аднак самае галоўнае, што яны ўразумелі наяўнасць у Беларусі і Расіі агульнай культурнай прасторы і далучыліся да яе, прасякнуўшыся ідэяй яднання брацкіх народаў.
