У сучасных эканамічных умовах веды і інфармацыя становяцца галоўнымі вытворчымі рэсурсамі, таму высокія патрабаванні прад'яўляюцца не толькі да якасці прадукцыі і паслуг, але і да ўзроўню кваліфікацыі кіраўнікоў прадпрыемстваў, супрацоўнікаў дзяржаўных арганізацый, мытных органаў, спецыялістаў па энергазберажэнню. Яны павінны прымяняць інфармацыйныя тэхналогіі для вырашэння эканамічных задач і валодаць навыкамі аналізу і ацэнкі вынікаў дзейнасці суб'ектаў гаспадарання. У мэтах падрыхтоўкі кампетэнтных спецыялістаў у галіне менеджменту і эканомікі, у 1994 г. быў створаны Рэспубліянскі адукацыйны цэнтр (РЦ), дзе ў 1995 ажыццёўлены першы набор студэнтаў. У 2002г РАЦ быў рэарганізаваны ў факультэт гуманітарнай адукацыі і ўпраўлення БНТУ, які ў 2004 г. перайменавалі ў факультэт тэхналогій кіравання і гуманітарызацыі (ФТУГ). Дэканамі факультэта былі кандыдат паліталогіі Я. П. Сапелкін і доктар філасофскіх навук А. І. Лойка З 2009 г. ФТУГ узначаліў кандыдат педагагічных навук Г. М. Броўка.
Базавай кафедрай факультэта ФТУГ стала кафедра менеджменту , створаная ў 1997г. Многія супрацоўнікі прайшлі стажыроўкі ва ўніверсітэтах Еўропы і Паўночнай Амерыкі, апублікаваўшы вынікі сваёй навуковай дзейнасці ў вядучых выданнях Беларусі і замежжа. Спецыяльныя навучальныя дысцыпліны, распрацаваныя на кафедры, накіраваны на тое, каб студэнты атрымалі магчымасць вывучыць законы функцыянавання макра- і мікраэканомікі, асаблівасці рынку нерухомасці, прынцыпы і метады пабудовы сістэмы бухгалтарскага ўліку. На кафедры створаны тры студэнцкія навуковыя гурткі. Іх удзельнікі могуць прадставіць вынікі сваёй навуковай творчасці на канферэнцыях і конкурсах нацыянальнага і міжнароднага ўзроўняў. Выпускнікі кафедры запатрабаваны ў сумесных і замежных прадпрыемствах, банках, рыэлтарскіх і ацэначных арганізацыях. З 2008 г.
Кафедра "Эканоміка і права" з 2002г. займаецца падрыхтоўкай спецыялістаў у галіне прававога забеспячэння гаспадарчай дзейнасці і арганізацыі кіравання на прадпрыемстве. Акрамя асноўнага выкладчыцкага саставу на кафедры працуюць запрошаныя спецыялісты інстытутаў Нацыянальнай акадэміі навук Беларусі, Міністэрства эканомікі і Міністэрства юстыцыі. У рамках спецыялізацыі студэнты кафедры атрымалі магчымасць вывучыць розныя галіны права: гаспадарчае і грамадзянскае, крымінальнае і адміністрацыйнае. Менеджэры-эканамісты, якія прайшлі навучанне на кафедры, працуюць на такіх прадпрыемствах і ў арганізацыях як РУП "Беларускі металургічны завод", ААТ "Белтрансгаз", ААТ "Беларусбанк", Навукова-даследчы эканамічны інстытут пры Міністэрстве эканомікі Рэспублікі Беларусь, ААТ "Крыніца", ДНУ «Інстытут парашковай металургіі», ВРУП «ММЗ ім. С. І. Вавілава».
Абмежаванасць паліўна-энергетычных рэсурсаў Рэспублікі Беларусь і наяўнасць экалагічных праблем абумовілі неабходнасць у кваліфікаваных інжынерных кадрах, накіраваных на вырашэнне задач энергазберажэння з выкарыстаннем перадавога сусветнага вопыту. Гэта праблема была пастаўлена перад кафедрай ЮНЕСКА "Энергазберажэнне і аднаўляльныя крыніцы энергіі".. Выкладчыкі кафедры арганізавалі індывідуальную работу са студэнтамі, якія праявілі схільнасць да навуковай дзейнасці. Яны стварылі ўмовы для таго, каб студэнты змаглі прымаць удзел у розных канферэнцыях і конкурсах. Акрамя навучання студэнтаў, на кафедры распрацаваны курсы для павышэння кваліфікацыі і перападрыхтоўкі дзейных інжынераў прамысловасці, арганізаваны абмен сусветным вопытам у галіне рэсурсазберажэння, праводзяцца навуковыя даследаванні, у тым ліку сумесныя з замежнымі партнёрамі. Кафедра лічыцца адной з лепшых сярод універсітэтаў Еўропы па энергаэфектыўных тэхналогіях і энергетычным менеджменце.
З набыццём Рэспублікай Беларусь дзяржаўнага суверэнітэту ўзнікла неабходнасць ва ўласных спецыялістах для мытных органаў. Падрыхтоўкай будучых мытнікаў займаліся ў БДУ, Акадэміі кіравання пры Прэзідэнце, Гомельскім універсітэце чыгуначнага транспарта. Тым не менш, у вышэйназваных ВНУ асноўная ўвага пры навучанні студэнтаў надавалася замежным мовам і прававым дысцыплінам, у той час як спецыфіка дзейнасці мытных работнікаў прадугледжвала, перш за ўсё, веданне асаблівасцей сусветнай і нацыянальнай эканомікі. У гэтых умовах, эканамічнае забеспячэнне мытнай справы стала спецыялізацыяй выпускаючай кафедры «Мытная справа » створанай 30 жніўня 2004 г.г. шляхам рэарганізацыі кафедры "Сучасныя тэхналогіі адукацыі". У адпаведнасці з дагаворам аб супрацоўніцтве паміж БНТУ і Расійскай мытнай акадэміяй прынята рашэнне ажыццяўляць абмен вопытам, вучэбна-метадычнымі і навуковымі матэрыяламі і метадамі выкладання, ствараць сумесныя навукова-даследчыя лабараторыі для вывучэння актуальных праблем у сферы мытнай справы. Аналагічныя дагаворы былі заключаны з Зеленагурскі універсітэтам (Польшча) і Мюнстэрскім універсітэтам (Германія). Нараўне з выкладчыкамі кафедры навучаннем студэнтаў займаліся запрошаныя спецыялісты з Дзяржаўнага мытнага камітэта Рэспублікі Беларусь. З 2006 г. на кафедры арганізоўваюць міжнародныя віртуальныя навукова-тэхнічныя канферэнцыі, дзе выкладчыкі і студэнты з Расіі, Беларусі, Польшчы, Нямеччыны,
Для авалодання прыкладнымі ўменнямі і навыкамі для будучых спецыялістаў у мытнай сферы было арганізавана праходжанне азнаямленчай, эканамічнай і пераддыпломнай практыкі ў мытнях Беларусі. У 2009 г. для студэнтаў, якія займаліся даследаваннямі ў галіне мытнай экспертызы, была дадзена магчымасць вывучыць вопыт экспертаў Цэнтральнай мытнай лабараторыі. Перспектывы развіцця кафедры звязаны з падрыхтоўкай уласных навуковых кадраў, пашырэннем тэматыкі тэарэтычных і прыкладных даследаванняў, стварэннем лабараторый па мытнай экспертызе і тэхнічным сродкам мытнага кантролю.
Вядома, што найболей эфектыўнай рэкламай любога тавара шырокага спажывання з'яўляецца яго пакаванне. Сваім дызайнам яна выклікае ў пакупнікоў асацыяцыю з якая адпавядае якасцю тавара, адлюстроўвае фірмовы стыль і забяспечвае пазнавальнасць гандлёвай маркі. Створаная ў 2008 г. кафедра "Прамысловы дызайн і ўпакоўка"занялася падрыхтоўкай спецыялістаў у галіне канструявання і дызайну ўпакоўкі На кафедры шырока прымяняюцца інфармацыйныя тэхналогіі, у працэс навучання ўкаранёны вучэбна-метадычныя комплексы. Студэнты кафедры неаднаразова перамагалі на рэспубліканскіх і міжнародных конкурсах і выставах. Навукова-даследчая работа кафедры звязана з вывучэннем уплыву знешніх і ўнутраных уздзеянняў на працэсы пераносу рэчываў у асяроддзях і сістэмах складанага складу. Яе актуальнасць звязана з неабходнасцю стварэння экалагічна чыстага і функцыянальна прыдатнага пакавальнага матэрыялу. У мэтах абмену вопытам і аналізу атрыманых вынікаў праведзеных даследаванняў кафедра ўзаемадзейнічае як з навуковымі ўстановамі Беларусі, так і з Нацыянальнай канфедэрацыяй упакоўшчыкаў Расіі, а таксама з асацыяцыямі ўпаковачнай галіны іншых краін.
Сучасныя спецыялісты ў сферы кіравання павінны валодаць замежнымі мовамі, ведаць метадалогію навуковай працы, улічваць значэнне гістарычнага вопыту для будучага развіцця як асобнага прадпрыемства, так і дзяржавы ў цэлым, таму на кафедрах "Гісторыя беларускай дзяржаўнасці", "Замежныя мовы", "Філасофскія вучэнні" выкладаюцца агульнаадукацыйныя дысцыпліны.
На кафедры філасофскіх вучэнняў студэнты атрымліваюць веды ў галіне філасофіі, этыкі, эстэтыкі, логікі і рэлігіязнаўства. Для магістрантаў распрацаваны курс па метадалогіі навукі. Супрацоўнікі кафедры даследуюць працэсы каэвалюцыі прыродных і сацыякультурных сістэм, а таксама распрацоўваюць прыкладныя аспекты навуковай метадалогіі.
Супрацоўнікі кафедры гісторыі беларускай дзяржаўнасці выкладаюць дысцыпліны "Паліталогія", "Гісторыя Беларусі", "Культуралогія" і "Вялікая Айчынная вайна савецкага народа", а таксама праводзяць вялікую грамадска-прапагандысцкую і ідэйна-выхаваўчую работу сярод студэнтаў шляхам арганізацыі канферэнцый, тэматычных конкурсаў, экскурсій. у музеі і па гістарычных і памятных мясцінах Беларусі. Асноўнымі напрамкамі навукова-даследчай работы кафедры з'яўляюцца: вывучэнне праблем гісторыі ІІ сусветнай вайны, станаўленне беларускай дзяржаўнасці, развіццё нацыянальнай культуры, методыка выкладання гістарычных дысцыплін.
ФТУГ ― адзін з самых “моўных” факультэтаў БНТУ. На кафедры "Замежныя мовы" зроблена ўсё магчымае для таго, каб студэнты змаглі якасна авалодаць англійскай, нямецкай, французскай, іспанскай мовамі. Так, на кафедры арганізаваны рэгулярныя сустрэчы з носьбітамі мовы. Найбольшую папулярнасць набылі вучэбна-забаўляльныя мерапрыемствы, звязаныя з краінамі моў, якія вывучаюцца. Да іх адносяцца Каляднае свята на нямецкай мове ў інтэрнаце і англійская «Five o'clock». На кафедры функцыянуе Цэнтр развіцця навуковай творчасці студэнтаў БНТУ "Лінгвістыка і краіназнаўства", дзе студэнты могуць азнаёміцца з прынцыпамі навуковай творчасці ў рамках выбранай спецыяльнасці. На міжвузаўскай Алімпіядзе па англійскай мове ў 2009 г. студэнты ФТУГ былі пераможцамі ва ўсіх намінацыях.
Такім чынам, на сённяшні дзень, у склад Факультэта тэхналогій кіравання і гуманітарызацыіуваходзіць восем кафедр, пяць з якіх маюць статус выпускаючых. Факультэт займае першае месца ў БНТУ па колькасці прафесарска-выкладчыцкага складу (больш за 200 чалавек) і колькасці замежных студэнтаў (10% ад усіх студэнтаў). Усяго на факультэце навучаецца каля паўтары тысячы студэнтаў, з іх больш за 1000 чалавек ― на дзённай форме навучання. На факультэце створаны спецыялізаваныя аўдыторыі, абсталяваныя сучаснымі тэхнічнымі сродкамі навучання, камп'ютарныя класы, мультымедыйныя цэнтры, лабараторыі. Дзякуючы супрацоўніцтву факультэта з міністэрствамі, ведамствамі, прадпрыемствамі і арганізацыямі Беларусі студэнты атрымалі магчымасць праходжання вучэбнай практыкі на вядучых дзяржаўных і камерцыйных прадпрыемствах, у рэспубліканскіх органах дзяржаўнага і мясцовага ўпраўлення. У перспектыве плануецца развіваць міжнароднае супрацоўніцтва факультэта з вышэйшымі навучальнымі ўстановамі і навуковымі арганізацыямі Расіі, Украіны, Германіі, Францыі, Польшчы і іншых дзяржаў. Гэта дазволіць ажыццявіць падрыхтоўку студэнтаў факультэта па інтэграванай форме навучання.
