Кафедра "Электратэхніка і электроніка" зведала за сваю гісторыю шмат пераўтварэнняў. Спачатку ў 1938 г. гэта была толькі першая лабараторыя электратэхнікі. Затым у 1947 г. арганізавалася кафедра "Тэарэтычная і агульная электратэхніка". Яе кіраўніком стаў запрошаны на працу ў тагачасны БПІ адзін з выбітных тэарэтыкаў электратэхнікі прафесар Г.І. Атабекаў. Ён увесь час пражываў у Маскве і працаваў у Маскоўскім авіяцыйным інстытуце (МАІ), а ў Мінск прыязджаў для чытання лекцый, арганізацыі вучэбнай і навуковай працы, кіраўніцтва аспірантамі.
Пазней у 1950 г. загадчыкам кафедры стаў к.т.н., дацэнт Маскоўскага энергетычнага інстытута (МЭІ) А.І. Собалеў. У гэты перыяд на кафедры працуюць таленавіты педагог і вучоны к.т.н., дацэнт Д.М. Мінкоўскі, а таксама выпускнікі БПІ, якія ў далейшым узначалілі кафедры і ВНУ рэспублікі: к.т.н., дацэнт В.М. Ільін (рэктар МРТІ ў 1973-2000 гг.), к.т.н., дацэнт А.А.Мазурэнка (дэкан ЭФ БПІ ў 1975-1985 гг.), к.т.н., дацэнт В.М. Бладыка, д.т.н., прафесар В.С. Кахановіч. Д.т.н., прафесар І.А.Фёдарава загадвала кафедрай ТОЭ Мінскага радыётэхнічнага інстытута.
У далейшым кафедрай "Тэарэтычныя асновы электратэхнікі" (ТОЭ) БПІ загадвалі к.т.н., дацэнт В.М. Бладыка (1973–1987 гг.); д.т.н., прафесар В.С. Кахановіч (1987–1992 гг.); к.т.н., дацэнт, Л.І. Сончык (1992-1998 гг.).
У 1977 г. з агульнай кафедры вылучылася кафедра "Агульная электратэхніка" на чале з загадчыкам к.т.н., дацэнтам В.М. Гарбаруком. Супрацоўнікі кафедры вялі заняткі на ўсіх факультэтах, за выключэннем спецыяльнасцей электраэнергетычнага профілю энергетычнага факультэта.
Бурнае развіццё электронікі і мікраэлектронікі, узмацненне прыярытэту гэтых дысцыплін у падрыхтоўцы інжынерных кадраў прывялі да змены назвы кафедры. Яна стала называцца кафедрай "Электратэхніка і электроніка".
З 1983 г. па 1996 г. кафедрай загадвала к.т.н., дацэнт Т.Т. Розум, вельмі энергічны і ініцыятыўны кіраўнік. Кафедра атрымала магутны імпульс па развіццю навуковай і лабараторнай базы па прамысловай электроніцы, мікраэлектроніцы, мікрапрацэсарнай і пераўтваральнай тэхніцы. Навучальныя лабараторыі папоўніліся сучасным абсталяваннем, прыборамі і шматмэтавымі стэндамі.
На змену Т.Т. Розум у 1996 г. прыйшоў к.т.н., дацэнт І.У. Новаш, які кіраваў кафедрай да 2007 г. У гэты перыяд на кафедры зацвердзіўся накірунак матэматычнага мадэлявання электрамагнітных працэсаў і іх даследаванні метадам вылічальнага эксперымента на ЭВМ. У навучальным працэсе сталі прымяняцца кампутарныя матэматычныя пакеты і сістэмы дынамічнага мадэлявання. У 1998 годзе адбылося аб'яднанне дзвюх кафедр "Тэарэтычныя асновы электратэхнікі" і "Электратэхніка і электроніка".
З 2007 г. па цяперашні час пасаду загадчыка кафедры "Электратэхніка і электроніка" займае к.т.н., дацэнт Ю.У. Бладыка ( Фота 1 ).
r33
Фота 1. ·Юрый Вітальевіч БЛАДЫКА
Кадравы склад кафедры ( Фота 2) характарызуецца як дасведчаны і прафесійны. Яго прадстаўляюць кандыдаты навук, дацэнты І.П. Мацвеенка, Р.Р. Мароз, І.У. Новаш, С.У. Сізікаў, Ю.В. Сухадолаў, А.М.Саўкова. У лік старэйшых выкладчыкаў уваходзяць Г.Я. Жукоўская, Г.А. Міхальцэвіч, Л.І. Новікава, А.І. Германовіч, В.У. Зелянко, А.А. Пякарчык, А.У. Мышкавец, Н.У. Шведка, А.У. Бандаронак, А.С. Шаўра, В.А.Мухіна. На кафедры працуюць асістэнты Д.А.Ахрэмчук і выкладчыкі-стажоры С.В.Лазіцкая і А.Д.Павядайка. Для студэнтаў энергетычнага факультэта выкладчыкі кафедры чытаюць асноўныя тэарэтычныя курсы па электратэхніцы і прамысловай электроніцы, метралогіі, стандартызацыі і інфармацыйна-вымяральнай тэхніцы, якія фарміруюць базавыя веды для эфектыўнага вывучэння спецыяльных дысцыплін. Студэнтам неэнергетычных спецыяльнасцей кафедрай выкладаюцца розныя курсы па электратэхніцы, электроніцы, мікрапрацэсарнай тэхніцы, электраабсталяванні і інш., без якіх немагчыма падрыхтаваць сучаснага эрудыяванага інжынера па любой тэхнічнай спецыяльнасці. Створаны поўны партал для студэнтаў па электроніцы http://elektronik.by
Вялікі аб'ём работы па правядзенні навучальных заняткаў і падтрыманні абсталявання і прыбораў у належным стане выконваюць: заг. лабараторыямі В.С. Балабанаў, вядучы інжынер А.А. Бандарэнка, тэхнік 1 катэгорыі І.М. Міхневіч, інжынеры Р.Г. Марчык, А.У.Драздоўская, Д.М.Кішыла.
На кафедры распрацаваны і падтрымліваюцца два сайты: http://electro.bntu.by і http://elektronik.by
0081
Фота 2. Калектыў кафедры "Электратэхніка і электроніка" (2019 г)
Высокакваліфікаваныя выкладчыкі кафедры накіроўваліся для працы ў замежных ВНУ Алжыра, Уганды, Кубы, стажыраваліся ў Англіі і Германіі.
Кафедра "Электратэхніка і электроніка" - адзіная агульнатэхнічная кафедра, якая забяспечвае навучальны працэс па электратэхнічных дысцыплінах на ўсіх факультэтах БНТУ.
